នៅថ្ងៃអង្គារ ទី៨ ខែកក្កដា ឆ្នាំ២០២៥ ឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងជាអនុប្រធានបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា និងឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ព្រឹទ្ធសភាបានបន្តអញ្ជើញចូលរួមកិច្ចប្រជុំបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា នៅព្រឹទ្ធសភាបារាំង ដោយបានពិភាក្សាលើប្រធានបទចំនួនពីរគឺ៖
១-ភាពពាក់ព័ន្ធគ្នារវាងអភ័យឯកសិទ្ធិ និងការមិនបានទទួលខុសត្រូវ អភ័យឯកសិទ្ធិសមាជិកសភា និងវិធានក្រមសីលធម៌។
២-ការប្រើប្រាស់បណ្តាញសង្គម និងព័ត៌មានមិនពិតក្នុងបរិបទនៃ ការទទួលខុសត្រូវចំពោះក្រមសីលធម៌សមាជិកសភា។
ឯកឧត្តម Gérard LARCHER ប្រធានព្រឹទ្ធសភាបារាំង បានថ្លែងអំណរគុណចំពោះ ឯកឧត្តម អ៊ុំ សារឹទ្ធ ដែលបានបំពេញការងារយ៉ាងសកម្ម ជាពិសេស ការស្រាវជ្រាវ និងការតាក់តែងរបាយការណ៍ស្តីពី បណ្តាសភាហ្រ្វង់កូហ្វូនដែលមានក្រមសីលធម៌សមាជិកសភា នៅក្នុងឋានៈ ឯកឧត្តម អ៊ុ សារឹទ្ធ ជាអនុប្រធាននៃបណ្តាញនេះ។

ប្រភព៖ នាយកដ្ឋាន​កិច្ច​ការ​ហ្រ្វង់កូហ្វូន