គេហទំព័រ ព្រឹទ្ធសភា នៃព្រះរាជាណាចក្រកម្ពុជា

ឯកឧត្តម ឡាយ សំកុល អគ្គលេខាធិការព្រឹទ្ធសភា នៃព្រះរាជាណាចក្រកម្ពុជា ចូលរួមកិច្ចប្រជុំសមាគមអគ្គលេខាធិការសភាក្នុងក្របខ័ណ្ឌសហភាពអន្តរសភា នៅទីក្រុងហ្សឺណែវ

ចែករំលែក ៖

ស្របជាមួយមហាសន្និបាតនៃសហភាពអន្តរសភានៅទីក្រុងហ្សឺណែវ ប្រទេសស្វ៊ីស ឯកឧត្តម ឡាយ សំកុល អគ្គលេខាធិការព្រឹទ្ធសភា នៃព្រះរាជាណាចក្រកម្ពុជា បានចូលរួមកិច្ចប្រជុំសមាគមអគ្គលេខាធិការសភា(ASGP) ក្នុងក្របខ័ណ្ឌនៃសហភាពអន្តរសភា(IPU) ដែលបានប្រព្រឹត្តទៅពីថ្ងៃទី២០ ដល់ថ្ងៃទី២២ ខែតុលា ឆ្នាំ២០២៥ ដោយមានការចូលរួមពីអគ្គលេខាធិការសភា ឬតំណាងអគ្គលេខាធិការ ដែលមកពីបណ្តាប្រទេសប្រមាណចំនួន១០០។

អង្គប្រជុំបានពិភាក្សា និងចែករំលែកបទពិសោធន៍លើប្រធានបទសំខាន់ៗរួមមាន៖ (១) នវានុវត្តន៍នៅក្នុងកិច្ចការសភា, (២) វិធានទប់ស្កាត់ហានិភ័យដែលអាចធ្វើឱ្យខកខានប្រជុំសភា, (៣) សមភាពយេនឌ័រក្នុងសភា, (៤) ការចូលរួមរបស់យុវជន, (៥) សភាប្រកបដោយនិរន្តរភាព និងបរិស្ថានល្អ, (៦) ទំនាក់ទំនងសភាជាមួយតុលាការ, (៧) សុវត្ថិភាពសមាជិសភា និងមន្ត្រីបម្រើការក្នុងសភា, (៨) ការធ្វើសេចក្តីសម្រេចចិត្តផ្អែកលើព័ត៌មានច្បាស់លាស់, និង(៩) ការរៀបចំសម្រាប់ការចូលនិវត្តន៍របស់មន្ត្រីអគ្គលេខាធិការដ្ឋាន។

អង្គប្រជុំក៏បានបោះឆ្នោតជ្រើសរើសសមាជិកគណៈកម្មាធិការប្រតិបត្តិនៃសមាគមអគ្គលេខាធិការសភាចំនួន ៣រូប គឺ៖ អគ្គលេខាធិការមកពីសភាវៀតណាម អាល់ហ្សេរី និងបារ៉ែន។

ឆ្លៀតក្នុងឱកាសកិច្ចប្រជុំនេះ ឯកឧត្តម ឡាយ សំកុល បានជួបជាមួយអគ្គលេខាធិការសភាម៉ារ៉ុក តំណាងអគ្គលេខាធិការនៃសភាបារាំង អគ្គលេខាធិការសភាទីម័រឡេស្តេ និងអគ្គលេខាធិការរងរដ្ឋសភាវៀតណាម និងបានលើកអំពីកិច្ចការងារពង្រឹងសភានៃប្រទេសទាំងពីរ។

ប្រភព៖ អគ្គនាយកដ្ឋានពិធីការ និងទំនាក់ទំនងអន្តរជាតិ

អត្ថបទពាក់ព័ន្ធ

ឯកឧត្តម ឡាយ សំកុល

អត្ថបទថ្មី

ព្រឹទ្ធសភា នៃព្រះរាជាណាចក្រកម្ពុជា ឯកភាពទាំងស្រុងលើសេចក្តីព្រាងច្បាប់សមុទ្រ និងបោះឆ្នោតជ្រើសរើសបំពេញសមាជិកគណៈកម្មការទី៥ព្រឹទ្ធសភា

គណៈកម្មាធិការអចិន្ត្រៃយ៍ព្រឹទ្ធសភា ពិនិត្យសម្រេចរបៀបវារៈសំខាន់ៗចំនួន៣

ឯកឧត្តម លី សារី អញ្ជើញគោរពវិញ្ញាណក្ខន្ធសព លោក ជ័យ ប៊ុនធឿន សមាជិកក្រុមប្រឹក្សាសង្កាត់កំពង់បាយ នៅក្រុងកំពត ខេត្តកំពត

ឯកឧត្តម ប្រាក់ ចំរើន អញ្ជើញចូលរួមពិធីបុណ្យទក្ខិណានុប្បទានគម្រប់៧ថ្ងៃ និង១០០ថ្ងៃ ដើម្បីឧទ្ទិសកុសលជូនចំពោះវិញ្ញាណក្ខន្ធសពលោកយាយឧបាសិកា ស៊ន់ គា

ឯកឧត្តម អ៊ុច បូររិទ្ធ អញ្ជើញគោរពវិញ្ញាណក្ខន្ធសពម្តាយបង្កើតរបស់ឯកឧត្តម ឡោ ចាន់លី សមាជិកគណៈកម្មាធិការអចិន្ត្រៃយ៍គណបក្សខេត្តកំពង់ចាម