គេហទំព័រ ព្រឹទ្ធសភា នៃព្រះរាជាណាចក្រកម្ពុជា

ឯកឧត្តមបណ្ឌិត ធន់ វឌ្ឍនា អញ្ជើញត្រឡប់ពីចូលរួមវេទិកាវប្បធម៌សុខដុមនីយកម្មពិភពលោកឆ្នាំ២០២៥ នៅប្រទេសចិន

ចែករំលែក ៖

នាយប់ថ្ងៃអាទិត្យ ទី២ ខែវិច្ឆិកា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា បានដឹកនាំគណៈប្រតិភូព្រឹទ្ធសភាកម្ពុជា អញ្ជើញធ្វើមាតុភូមិនិវត្តន៍មាតុប្រទេសវិញ បន្ទាប់ពីអញ្ជើញចូលរួមវេទិកាវប្បធម៌សុខដុមនីយកម្មពិភពលោកឆ្នាំ២០២៥ (2025 Hehe Culture Global Forum) នៅទីក្រុងថាយចូវ ខេត្តជឺជាំង សាធារណរដ្ឋប្រជាមានិតចិន កាលពីថ្ងៃទី៣០ ខែតុលា ដល់ថ្ងៃទី២ ខែវិច្ឆិកា ឆ្នាំ២០២៥ ប្រកបដោយលទ្ធផលជាផ្លែផ្កា។

ក្រៅពីការចូលរួម ជាភ្ញៀវកិត្តិយសពិសេស ដើម្បីថ្លែងបើកវេទិកាសុខដុមនីយកម្ម HeHe Cultural Forum ឯកឧត្តមបណ្ឌិត បានធ្វើជាអធិបតីភាពកាត់ខ្សែរបូ នាវាព្យាបាល និងសង្រ្គោះមនុស្សធម៌របស់ មូលនិធិ Peaceland របស់ចិន ដែលនឹងចេញដំណើរការនៅដើមឆ្នាំ២០២៦ ដោយកម្ពុជា នឹងក្លាយជាចំណតទីមួយ ជាប្រវត្តិសាស្រ្តរបស់នាវាពេទ្យព្យាបាល និងសង្រ្គោះនេះ។

ឯកឧត្តមបណ្ឌិត អនុប្រធានទី២ ព្រឹទ្ធសភា បានជួបពិភាក្សាជាមួយ ថ្នាក់ដឹកនាំសំខាន់ៗនៃខេត្តជឺជាំង និងប្រធានរដ្ឋបាលទំនាក់ទំនងអន្តរជាតិចិន ដែលសម្រេចបាននូវលទ្ធផលគួរជាទីពេញចិត្ត។ ក្នុងនោះមាន៖

ការផ្តល់អាហារូបករណ៍ដល់និស្សិតកម្ពុជាមកសិក្សានៅខេត្ត ជឺជាំង លើជំនាញបច្ចេកទេស និងការច្នៃម្ហូបអាហារ
ការផ្តួចផ្តើមគម្រោង ទីក្រុងមេត្រីភាពរវាងក្រុងថាយចូវ និងស្រុកធានថាយ ជាមួយខេត្ត និងស្រុកកម្ពុជាណាមួយនាពេលខាងមុខ
ការបង្កើនចំនួនអ្នកទេសចរណ៍ និងអ្នកវិនិយោគពីខេត្តជឺជាំង មកកម្ពុជាឱ្យបានកាន់តែច្រើន។

ប្រភព៖ នាយកដ្ឋានព័ត៌មាន

អត្ថបទពាក់ព័ន្ធ

ឯកឧត្តមបណ្ឌិត ធន់់ វឌ្ឍនា

អត្ថបទថ្មី

ព្រឹទ្ធសភា នៃព្រះរាជាណាចក្រកម្ពុជា ឯកភាពទាំងស្រុងលើសេចក្តីព្រាងច្បាប់សមុទ្រ និងបោះឆ្នោតជ្រើសរើសបំពេញសមាជិកគណៈកម្មការទី៥ព្រឹទ្ធសភា

គណៈកម្មាធិការអចិន្ត្រៃយ៍ព្រឹទ្ធសភា ពិនិត្យសម្រេចរបៀបវារៈសំខាន់ៗចំនួន៣

ឯកឧត្តម លី សារី អញ្ជើញគោរពវិញ្ញាណក្ខន្ធសព លោក ជ័យ ប៊ុនធឿន សមាជិកក្រុមប្រឹក្សាសង្កាត់កំពង់បាយ នៅក្រុងកំពត ខេត្តកំពត

ឯកឧត្តម ប្រាក់ ចំរើន អញ្ជើញចូលរួមពិធីបុណ្យទក្ខិណានុប្បទានគម្រប់៧ថ្ងៃ និង១០០ថ្ងៃ ដើម្បីឧទ្ទិសកុសលជូនចំពោះវិញ្ញាណក្ខន្ធសពលោកយាយឧបាសិកា ស៊ន់ គា

ឯកឧត្តម អ៊ុច បូររិទ្ធ អញ្ជើញគោរពវិញ្ញាណក្ខន្ធសពម្តាយបង្កើតរបស់ឯកឧត្តម ឡោ ចាន់លី សមាជិកគណៈកម្មាធិការអចិន្ត្រៃយ៍គណបក្សខេត្តកំពង់ចាម