លោកជំទាវ ឃួន ឃុនឌី សមាជិកា ព្រឹទ្ធសភាប្រចាំភូមិភាគទី៨ បានអញ្ជើញជាអធិបតីភាពក្នុងពិធីដាំកូនឈើចំនួន១៥០ដើម ក្នុងនោះមានកូនគ្រញូងចំនួន៦០ដើម កូនធ្នុងចំនួន៦០ដើម និងកូនគគីចំនួន៣០ដើម
នាព្រឹកថ្ងៃទី ១៩ ខែមិថុនា ឆ្នាំ ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកា ព្រឹទ្ធសភាប្រចាំភូមិភាគទី៨ បានអញ្ជើញជាអធិបតីភាពក្នុងពិធីដាំកូនឈើចំនួន១៥០ដើម ក្នុងនោះមានកូនគ្រញូងចំនួន៦០ដើម កូនធ្នុងចំនួន៦០ដើម និងកូនគគីចំនួន៣០ដើម ស្ថិតនៅទីធ្លាវត្តក្តីចារ្តិ ភូមិទៀមចាស់ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។ បន្ទាប់ពីដាំកូនឈើរួចលោកជំទាវបានជួបសំណេះសំណាលជាមួយប្រជាការពារភូមិចំនួន៣ភូមិស្មើនឹង៣៩នាក់ ដែលអញ្ជើញមកពីភូមិទៀមចាស់ ភូមិត្នោត និងភូមិឥន្ទកុមារ។ នៅក្នុងឱកាសនោះលោកជំទាវបានកោតសរសើរដល់សកម្មភាពចូលរួមរបស់ប្រជាការពារគ្រប់ភូមិដែលជាការរួមចំណែកធ្វើឱ្យភូមិឃុំរបស់យើងទទួលបាននូវសុខសន្តិភាព។ លោកជំទាវ បានផ្តាំផ្ញើនិងលើកទឹកចិត្តឱ្យបន្តសកម្មភាពដ៏ល្អនេះតទៅមុខទៀតទោះស្ថិតក្នុងកាលៈទេសៈណាក៏ដោយត្រូវរួមគ្នាអនុវត្តឱ្យបានជាប្រចាំនូវវិធានការការពាររបស់រាជរដ្ឋាភិបាល កម្ពុជាក៏ដូចជាក្រសួងសុខាភិបាល៣កុំ ៣ការពារ។ ជាកិច្ចបញ្ចប់លោកជំទាវបានឧបត្ថម្ភដល់ប្រជាការពារភូមិក្នុងម្នាក់ៗទទួលបានឯកសណ្ឋាន១កំប្លេរ ក្រមា១ ម៉ាស់១ប្រអប់ ថវិចំនួន២ម៉ឺនរៀល និងវិទ្យុទាក់ទង(អាយកូម)ក្នុងមួយភូមិទទួលបានចំនួន២គ្រឿងសម្រាប់ទុកបម្រើការងារនៅក្នុងភូមិ នីមួយៗ។
