ឯកឧត្តម យ៉ង់ សែម ដឹកនាំកិច្ចប្រជុំពិនិត្យពិភាក្សាលើពាក្យបណ្តឹងរបស់ប្រជាពលរដ្ឋ
=======
នាព្រឹកថ្ងៃទី០៣ ខែកញ្ញា ឆ្នាំ២០២១ គណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (គណៈកម្មការទី១) ដឹកនាំដោយឯកឧត្តម យ៉ង់ សែម ប្រធានគណៈកម្មការ បានអញ្ជើញជួបប្រជុំជាមួយនឹងឯកឧត្តម គង់ សារាជ ប្រធានក្រុមសមាជិកព្រឹទ្ធសភាប្រចាំភូមិភាគទី៧ និងជាប្រធានគណៈកម្មការទី៩ព្រឹទ្ធសភា ដើម្បីពិនិត្យពិភាក្សាលើពាក្យបណ្តឹងរបស់ប្រជាពលរដ្ឋចំនួន៣៤ (៧២គ្រួសារ) ដែលរស់នៅក្នុងក្រុងខេមរភូមិន្ទ ខេត្តកោះកុង និងស្តាប់របាយការណ៍របស់មន្ត្រីស្តីពីការប្រមូលព័ត៌មានក្នុងករណីនេះ នៅសាលប្រជុំគណៈកម្មការទី១ព្រឹទ្ធសភា៕