នាព្រឹកថ្ងៃទី ០៩ ខែតុលា ឆ្នាំ ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកា ព្រឹទ្ធសភាប្រចាំភូមិភាគទី៨ បានអញ្ជើញចុះជួបសំណេះសំណាលសួរសុខទុក្ខសមាជិក សមាជិកាក្រុមប្រឹក្សាឃុំ មេភូមិ អនុភូមិ សមាជិកភូមិនៃឃុំព្រៃគុយ ស្រុកកំពង់ស្វាយ ខេត្តកំពង់ធំ ដើម្បីស្តាប់នូវការរាយការណ៍របស់លោកមេឃុំដែលបានខិតខំបំពេញភារកិច្ចតាមតួនាទីរបស់ខ្លួនកន្លងមក។ លោកជំទាវបានកោតសរសើរចំពោះការយកចិត្តទុកដាក់បម្រើការងារជូនបងប្អូនប្រជាពលរដ្ឋយ៉ាងសកម្ម និងសំណូមពរលើកទឹកចិត្តឱ្យបន្តខិតខំប្រឹងប្រែងបំពេញការងារបន្ថែមទៀតដើម្បីរួមគ្នាធ្វើអំពើល្អបម្រើប្រជាជន និងជម្រុញដល់កូនៗក្មួយៗដែលគ្រប់អាយុបោះឆ្នោតឱ្យទៅចុះឈ្មោះបោះឆ្នោតនិងទៅពិនិត្យឈ្មោះក្នុងបញ្ជីបោះឆ្នោតឱ្យបានគ្រប់ៗគ្នា។ ក្នុងឱកាសនោះលោកជំទាវបានឧបត្ថម្ភម៉ាស់ចំនួន២០ប្រអប់ ក្រមាចំនួន១០០ សារ៉ុងចំនួន៥០ និងថវិកាមួយចំនួន ស្ថិតនៅ ឃុំព្រៃគុយ ស្រុកកំពង់ស្វាយ ខេត្តកំពង់ធំ ។