នាព្រឹកថ្ងៃទី០១ ខែវិច្ឆិកា ឆ្នាំ២០២១ នៅសាលពិសេស៣ ព្រឹទ្ឌធសភា គណៈកម្មការសិទ្ធិមនុស្ស ទទួលពាក្យបណ្តឹត និងអង្ករតនៃព្រឹទ្ធសភា (គណៈកម្មការទី១) ដឹកនាំដោយ ឯកឧត្តម យ៉ង់ សែម ប្រធានគណៈកម្មការ បានអញ្ជើញជាអធិបតីភាពក្នុងកិច្ចប្រជុំត្រៀមជំនួបរវាងគណៈកម្មការទី១ព្រឹទ្ធសភា ជាមួយគណៈកម្មការទី១រដ្ឋសភា នៅថ្ងៃទី០៣ ខែវិច្ឆិកា ឆ្នាំ២០២១នាពេលខាងមុខ ដោយមានរបៀបវារៈ៖
១-សាកល្បងធ្វើបទបង្ហាញដោយ៖ ទី១-ឯកឧត្តម ខៀវ មុត អនុប្រធានគណៈកម្មការទី១ ព្រឹទ្ធសភា អំពីតួនាទីភារកិច្ច និងសមត្ថកិច្ចរបស់គណៈកម្មការទី១ ព្រឹទ្ធសភា ទី២- ឯកឧត្តម ណាំ ទុំ លេខាធិការគណៈកម្មការទី១ ព្រឹទ្ធសភា អំពីសេចក្តីត្រូវការរបស់ប្រជាពលរដ្ឋ សិទ្ធិ និងករណីយកិច្ច ទី៣-ឯកឧត្តម លឹម លាវ សមាជិកគណៈកម្មការទី១ ព្រឹទ្ធសភា អំពីការងារពាក្យបណ្តឹង និងទស្សនាវីដេអូឃ្លីប ស្តីពីយន្តការទទួលពាក្យបណ្ដឹងរបស់ព្រឹទ្ធសភា ទី៤-លោក កេត ជិន្នរ៉ន ប្រធានលេខាធិការដ្ឋានអមគណៈកម្មការទី១ព្រឹទ្ធសភា អំពីការអនុវត្តមុខងារទាំង ៣ របស់គណៈកម្មការ ទី៥-កញ្ញា អ៊ុក ចិន្តា អនុប្រធានលេខាធិការដ្ឋានអមគណៈកម្មការទី១ ព្រឹទ្ធសភាអំពីសិទ្ធិកុមារ សិទ្ធិជនពិការ និងសិទ្ធិស្ត្រី និងទស្សនាវីដេអូឃ្លីប ការចុះអនុស្សារណៈ នៃការយោគយល់គ្នារវាងគណៈកម្មការទី១ ព្រឹទ្ធសភា ជាមួយក្រុមមេធាវីស្ម័គ្រចិត្តសម្តេចតេជោសែន។
២-មតិយោបល់របស់សមាជិកអង្គប្រជុំ
៣-បញ្ហាផ្សេងៗ៕
កិច្ចប្រជុំនេះ ប្រព្រឹត្តទៅនៅសាលប្រជុំពិសេស៣ វិមានព្រឹទ្ធសភា ដោយមានការអញ្ជើញចូលរួមពីឯកឧត្ដមអនុប្រធាន លេខាធិការ សមាជិកគណៈកម្មការទី១ព្រឹទ្ធសភា លោកអនុប្រធាននាយកដ្ឋានព័ត៌មាន លោកអនុប្រធានការិយាល័យក្រុមភូមិភាគទី៨ ប្រធាននាយកដ្ឋានពិធីការ មន្ត្រីតំណាងនាយកដ្ឋានICT និងមន្ត្រីលេខាធិការដ្ឋានអមគណៈកម្មការទី១ព្រឹទ្ធសភា៕