នាថ្ងៃទី ០៣ ខែវិច្ឆិកា ឆ្នាំ២០២១ លោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា និងជាអនុប្រធានគណៈកម្មាធិការសមាគមនារីកម្ពុជា ដើម្បីសន្តិភាពនិងអភិវឌ្ឍន៍រាជធានីភ្នំ
ពេញ បានអញ្ជើញចុះសួរសុខទុក្ខ និងនាំអំណោយចែកជូនដល់ខ្នងផ្ទះប្រជាពលរដ្ឋ ដែលមានវ័យចាស់ជរា ក្រីក្រជួបការលំបាកជីវភាពគ្រួសារ រស់នៅក្នុងសង្កាត់បឹងកក់ទី២ ចំនួន ៣គ្រួសារ និងសង្កាត់បឹងសាឡាង ចំនួន ២គ្រួសារ ស្ថិតក្នុងខណ្ឌទួលគោក រាជធានីភ្នំពេញ។
អំណោយដែលផ្តល់ជូនក្នុងឱកាសនោះ រួមមាន ១គ្រួសារទទួលបាន ៖ អង្ករ១ថង់ទម្ងន់ ១០គីឡូក្រាម មី១កេសតូច ត្រីខ៧កំប៉ុង សារុង១ ក្រមា១ ម្សៅសាប៊ូ១កព្ចាប់ និងថវិកាចំនួន ៧០ ០០០៛ (សម្រាប់គ្រួសារប្រជាពរដ្ឋក្នុងសង្កាត់បឹងកក់២) ដោយឡែកថវិកាចំនួន ១០០ ០០០ ៛ (សម្រាប់គ្រួសារប្រជាពលរដ្ឋក្នុងសង្កាត់បឹងសាឡាង)។
