លោកជំទាវ ទី បូរ៉ាស៊ី ដឹកនាំកិច្ចប្រជុំគណៈកម្មការទី៥ព្រឹទ្ធសភា
នាព្រឹកថ្ងៃទី១៤ ខែធ្នូ ឆ្នាំ២០២១ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា(គណៈកម្មការទី៥) បានរៀបចំកិច្ចប្រជុំផ្ទៃក្នុង ក្រោមអធិបតីភាពលោកជំទាវ ទី បូរ៉ាស៊ី ប្រធានគណៈកម្មការ ដើម្បីពិនិត្យ ពិភាក្សាលើ ៖
១-ពិនិត្យឡើងវិញសកម្មភាពការងារគណៈកម្មការប្រចាំខែវិច្ឆិកា ឆ្នាំ២០២១
២-របាយការណ៍សកម្មភាពរបស់សមាជិក សមាជិកាគណៈកម្មការក្នុងខែវិច្ឆិកា ឆ្នាំ២០២១ ការជួបពិភាក្សាការងារជាមួយស្ថានទូតប៉ាគីស្ថាន ស្ថានទូតឥណ្ឌូណេស៊ី និងស្ថានទូតទួរគី និងការចូលរួមប្រជុំរវាងគណៈកម្មការទី៧ព្រឹទ្ធសភា ជាមួយក្រសួងទេសចរណ៍ និងក្រសួងអប់រំ យុវជន និងកីឡា
៣-របាយការណ៍សរុបលទ្ធផលកិច្ចប្រជុំ ASEP11, ASEM13, IPU143 និងការចូលរួមប្រជុំត្រៀមរៀបចំកិច្ចប្រជុំប្រចាំឆ្នាំនៃវេទិកាអាស៊ី-ប៉ាស៊ីហ្វិកលើកទី២៨ APPF-29
៤-បញ្ហាផ្សេងៗ៕
