គណៈប្រតិភូអគ្គលេខាធិការដ្ឋានព្រឹទ្ធសភា អញ្ជើញគោរពវិញ្ញណក្ខន្ធ ឯកឧត្តមបណ្ឌិតសាស្ត្រាចារ្យ ឃឹម ឈុនអ៉ី
=======
នារសៀលថ្ងៃទី២១ ខែមករា ឆ្នាំ២០២២ គណៈប្រតិភូអគ្គលេខាធិការដ្ឋានព្រឹទ្ធសភា ដឹកនាំដោយឯកឧត្តម សោម សាវុធ អគ្គនាយករង នៃអគ្គនាយកដ្ឋានពិធិការ និងទំនាក់ទំនងអន្តរជាតិ ជាតំណាងឱ្យឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានអញ្ជើញគោរពវិញ្ញណក្ខន្ធ ឯកឧត្តមបណ្ឌិតសាស្ត្រាចារ្យ ឃឹម ឈុនអ៉ី ទីប្រឹក្សាច្បាប់អមរដ្ឋសភា និងជាអនុប្រធានក្រុមប្រឹក្សាអ្នកច្បាប់នៃរដ្ឋសភា ដែលបានទទួលមរណភាព នៅវេលាម៉ោង០៣:៤៥នាទីទៀបភ្លឺ កាលពីថ្ងៃទី២០ ខែមករា ឆ្នាំ២០២២ ក្នុងជន្មាយុ៨១ឆ្នាំ ដោយរោគាពាធ នៅទីក្រុងប៉ារីស ប្រទេសបារាំង។
ពិធីបុណ្យឯកឧត្តមបណ្ឌិត ឃឹម ឈុនអ៉ី ត្រូវបានប្រារព្ធធ្វើបុណ្យតាមប្រពៃណី និងព្រះពុទ្ធសាសនា នៅវត្តបុទុមវតី ដែលស្ថិតនៅខណ្ឌដូនពេញ រាជធានីភ្នំពេញ។