នៅថ្ងៃអាទិត្យ ទី០៦ ខែកុម្ភៈ ឆ្នាំ២០២២ ឯកឧត្តម ឡៅ ឆន សមាជិកគណៈកម្មការទី៧ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្រ្តមណ្ឌលខេត្តឧត្តរមានជ័យ បានអញ្ជើញចូលរួមជូនដំណើរសម្តេចវិជ័យសេនាទៀ បាញ់ និងឯកឧត្តម គន់ គីម ទេសរដ្នមន្រ្តី និងជាប្រធានគណៈកម្មការសាងសង់ស្តូប ឈ្នះឈ្នះ ចុះពិនិត្យទីតាំងសាងសង់ស្តូបនយោបាយឈ្នះឈ្នះ នៅលើខ្នងភ្នំ២០០ នៅតំបន់ ក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យ។ ក្នុងឧកាសនោះ សម្តេចវិជ័យបានមានមតិសំណេះសំណាលដូចជា ៖
១-មគ្គុទេសស្ថាបនិក នយោបាយឈ្នះឈ្នះ គឺសម្តេច តេជោ ហ៊ុន សែន
២-សារៈសំខាន់ដែលនាំឱ្យមកសាងសង់ស្តូបនេះនៅលើទីតាំងខ្នងភ្នុំ២០០ នេះ
៣-អំពាវនៀវដល់សប្បុរសជនដែលស្រឡាញ់គាំទ្រសន្តិភាព ដើម្បីចូលរួមជាសម្ភារៈ ថវិកាក្នុងការសាងសង់ស្តូបអានុស្សាវរីយ៍នេះឱ្យបានសម្រេចដោយជោគជយ។