នារសៀលថ្ងៃទី២៤ ខែកុម្ភៈ ឆ្នាំ២០២២ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា ប្រធានគណៈចលនាស្រ្តី និងជាអនុប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទវគ្គបណ្តុះបណ្តាលពង្រឹងសមត្ថភាពថ្នាក់ដឹកនាំស្រ្តី ក្រុង-ស្រុក ឃុំ-សង្កាត់ ដោយមានការអញ្ជើញចូលរួមពីលោកជំទាវសមាជិកាព្រឹទ្ធសភា ឯកឧត្តមប្រធានក្រុមប្រឹក្សាខេត្ត សមាជិក ក្រុមចលនាស្រ្តី និងសមាគមនារីខេត្ត ប្រធានបណ្តាញស្រ្តី ក្រុង ស្រុក និងបេក្ខជនក្រុមប្រឹក្សាឃុំ សង្កាត់(ពេញសិទ្ធិជានារី) សរុប១២០រូប នៅសាលប្រជុំសាលាខេត្តកណ្តាល។

វគ្គបណ្តុះបណ្តាននេះ រៀបចំឡើងក្នុងគោលបំណងដើម្បីបង្កើនការយល់ដឹងពីកម្មវិធីនយោបាយ និងគោលការណ៍ដឹកនាំរបស់គណបក្សចំពោះស្ត្រី និងគោលនយោបាយរបស់រាជរដ្ឋាភិបាលចំពោះស្រ្តីក្នុងការទទួលបានសេវាសាធារណៈនៅមូលដ្ឋាន រំលឹកឡើងវិញ នូវប្រវត្តិ រចនាសម្ព័ន្ធ តួនាទី និងសកម្មភាពរបស់សមាគមនារីកម្ពុជាដើម្បីសន្តិភាព និងអភិវឌ្ឍន៍ និងគណៈចលនាស្ត្រី ក្នុងការចូលរួមក្នុងសកម្មភាពនយោបាយ និងអភិវឌ្ឍន៍ តាមមាគ៌ានយោបាយរបស់គណបក្ស លើកកម្ពស់ការប្តេជ្ញាចិត្តរបស់ស្ត្រីក្នុងបក្សឲ្យកាន់តែអង់អាចក្នុងការបំពេញតួនាទីក្នុងបក្ស និងរដ្ឋាភិបាលឆ្ពោះទៅកាន់ភាពជោគជ័យក្នុងការបោះឆ្នោតក៏ដូចជាការដឹកនាំប្រទេសជាតិយូរអង្វែង។