អគ្គលេខាធិការដ្ឋានព្រឹទ្ធសភាបិទវគ្គបណ្តុះបណ្តាលសម្រាប់មន្ត្រីរាជការក្របខ័ណ្ឌថ្មី
នាព្រឹកថ្ងៃសុក្រ ថ្ងៃទី២៧ ខែវិច្ឆិកា ឆ្នាំ២០២០ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជាអធិបតីក្នុងពិធីបិទវគ្គបណ្តុះបណ្តាល ស្តីពីវប្បធម៌សភា វប្បធម៌រដ្ឋបាល វប្បធម៌នយោបាយ សម្រាប់មន្ត្រីរាជការក្របខ័ណ្ឌថ្មី នៃអគ្គលេខាធិការដ្ឋានព្រឹទ្ធសភាចំនួន១៤៣នាក់ នៅសាលសិក្ខាសាលាបណ្ណាល័យព្រឹទ្ធសភា ។
វគ្គបណ្តុះបណ្តាលនេះ ចែកចេញជា៣ក្រុមគឺ៖ ក្រុមទី១មានសិក្ខាកាម ចំនួន៧៣នាក់ សិក្សាចាប់ពីថ្ងៃទី០៣ ខែកុម្ភៈ ដល់ថ្ងៃទី០៨ ខែមេសា ឆ្នាំ២០២០ ក្រុមទី២ មានសិក្ខាកាមចំនួន៣៥នាក់ សិក្សាចាប់ពីថ្ងៃទី១០ សីហា ដល់ថ្ងៃទី២៣ ខែកញ្ញា ឆ្នាំ២០២០ និងក្រុមទី៣ មានសិក្ខាកាមចំនួន៣៥នាក់ សិក្សាចាប់ពីថ្ងៃទី០៥ តុលា ដល់ថ្ងៃទី១១ ខែវិច្ឆិកា ឆ្នាំ២០២០។
