គណៈប្រតិភូគណៈកម្មការទី១ព្រឹទ្ធសភា ប្រជុំត្រៀមជួបសំណេះសំណាល និងពិភាក្សាការងារជាមួយក្រុមប្រឹក្សាឃុំ នៃស្រុករតនមណ្ឌល ខេត្តបាត់ដំបង
គណៈប្រតិភូគណៈកម្មការទី១ព្រឹទ្ធសភា បានរៀបចំកិច្ចប្រជុំផ្ទៃក្នុង នាព្រឹកថ្ងៃទី០៥ ខែមេសា ឆ្នាំ២០២២ នៅភោជនីយដ្ឋានរាត្រីបាត់ដំបង ស្ថិតក្នុងក្រុងបាត់ដំបង ខេត្តបាត់ដំបង ក្រោមអធិបតីភាពឯកឧត្តម យ៉ង់ សែម ប្រធានគណៈកម្មការ ដើម្បីពិនិត្យ ពិភាក្សាលើបញ្ហាផ្សេងៗ ព្រមទាំងស្តាប់ការចូលរួមជាមតិយោបល់ពីឯកឧត្តមអនុប្រធាន លេខាធិការ សមាជិកនៃគណៈកម្មការ ដើម្បីត្រៀមក្នុងពិធីជួបសំណេះសំណាល និង ពិភាក្សាការងារជាមួយសមាជិកក្រុមប្រឹក្សាឃុំ នៃស្រុករតនមណ្ឌល ខេត្តបាត់ដំបង ដែលប្រព្រឹត្តនៅព្រឹកថ្ងៃទី០៥ ខែមេសា ឆ្នាំ២០២២នេះ៕
