នាព្រឹកថ្ងៃចន្ទ ទី៣០ ខែឧសភា ឆ្នាំ២០២២ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីបញ្ចុះបឋមសិលាសាងសង់ព្រះវិហារ នៅវត្តលុម្ពិនី សាលវ័ននារាម ហៅវត្តអូរសោម ស្ថិតនៅឃុំអូសោម ស្រុកវាលវែង ខេត្តពោធិ៍សាត់។ ពិធីបញ្ចុះបឋមសិលានេះ មានអញ្ជើញចូលរួមពីសមាជិកព្រឹទ្ធសភា តំណាងក្រសួងសាធាណការ និងដឹកជញ្ជូន ថ្នាក់ដឹកនាំស្រុក ក្រុមប្រឹក្សាឃុំ ព្រមទាំងប្រជាពលរដ្ឋ ពុទ្ធបរិស័ទ្ធចំណុះជើងវត្តចំនួន៣០០នាក់។ សូមជម្រាបថា ព្រះវិហារដែលត្រូវសាងសង់នេះ មានទំហំ៩,២០មx១៤,៦០ម សាងសង់មានរយៈពេល១១ខែ គិតចាប់ពីថ្ងៃទី២៥ ខែឧសភា ឆ្នាំ២០២២ រហូតដល់ថ្ងៃទី២៥ ខែមេសា ឆ្នាំ២០២៣ ជាការបញ្ចប់ការសាងសង់។
ប្រភព៖នាយកដ្ឋានព័ត៌មាន
