នារសៀលថ្ងៃទី០៤ ខែសីហា ឆ្នាំ២០២២ ឯកឧត្ដមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងគណៈកម្មការទី១០ព្រឹទ្ធសភា ជាមួយនឹងមូលនិធិចែករំលែកសង្គ្រោះជីវិតសកល នៃសាធារណៈកូរ៉េ ស្តីពីកិច្ចព្រមព្រៀងផ្តល់មនុស្សធម៌ដល់ព្រឹទ្ធសភាកម្ពុជា នៅសាលសិក្ខាសាលាបណ្ណាល័យព្រឹទ្ធសភា។ តាមរយៈអនុស្សរណៈនេះ មូលនិធិចែករំលែកសង្គ្រោះជីវិតសកល នៃសាធារណៈកូរ៉េ នឹងផ្តល់ជំនួយមនុស្សធម៌ដល់ព្រឹទ្ធសភាកម្ពុជា ជាសម្ភារៈវេជ្ជសាស្ត្រ រួមមាន៖ ឱសថ ឧបករណ៍វេជ្ជសាស្ត្រ បរិក្ខារពេទ្យ និងសម្ភារប្រើប្រាស់ប្រចាំថ្ងៃ ដែលគិតជាថវិកាមានចំនួនដប់លានដុល្លារអាមេរិក សម្រាប់រយៈពេល ៤ឆ្នាំ គឺចាប់ពីខែសីហា ឆ្នាំ២០២២ ដល់ខែធ្នូ ឆ្នាំ២០២៥។
ប្រភព៖ នាយកដ្ឋានព័ត៌មាន
