លោកជំទាវ ឃួន ឃុនឌី ជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញចូលរួមក្នុងពិធីសូត្រមន្តចម្រើនព្រះបរិត្តកាន់បិណ្ឌវេនទី៥
នារសៀលថ្ងៃទី១៤ ខែកញ្ញា ឆ្នាំ២០២២ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ និងលោកឧញ៉ា គុយ លាងគី ព្រមទាំងក្រុមគ្រួសារ បានអញ្ជើញចូលរួមក្នុងពិធីសូត្រមន្តចម្រើនព្រះបរិត្តកាន់បិណ្ឌវេនទី៥។ បន្ទាប់មកព្រឹកថ្ងៃទី១៥ ខែឆ្នាំដដែល លោកជំទាវអញ្ជើញរាប់បាត និងវេភត្តប្រគេនព្រះសង្ឃជាកិច្ចបង្ហើយបុណ្យ ដើម្បីឧន្ទិសកុសលជូនដល់ដួងវិញ្ញាណក្ខន្ធបុព្ធការីជន ញាតិមិត្តជិតឆ្ងាយ កម្មាភិបាល យុទ្ធជន យុទ្ធនារី ដែលបានពលីជីវិតដើម្បីជាតិមាតុភូមិ ស្ថិតនៅវត្តកាលវន្ត័ក្ដីចារ្តិ៍ ភូមិទៀមចាស់ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។
