ឯកឧត្តម ម៉ុម ជឹមហ៊ុយ បានអញ្ជើញដឹកនាំក្រុមប្រឹក្សាសង្កាត់ និងស្មៀន របស់សង្កាត់ស្នោរ ខណ្ឌកំបូល រាជធានីភ្នំពេញទៅធ្វើទស្សនកិច្ច តាមផ្លូវល្បឿនលឿនភ្នំពេញ-ក្រុងព្រះសីហនុ
ព្រឹកថ្ងៃព្រហស្បតិ៍ ៣រោច ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៣ ខែតុលា ឆ្នាំ២០២២ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញដឹកនាំក្រុមប្រឹក្សាសង្កាត់ និងស្មៀន របស់សង្កាត់ស្នោរ ខណ្ឌកំបូល រាជធានីភ្នំពេញទៅធ្វើទស្សនកិច្ច តាមផ្លូវល្បឿនលឿនភ្នំពេញ-ក្រុងព្រះសីហនុ ដើម្បីពិនិត្យមើលវឌ្ឍនភាព និងការអភិវឌ្ឍរបស់ប្រទេសក្រោមការដឹកនាំដ៏ត្រឹមត្រូវ និងឈ្លាសវៃប្រកបដោយកិតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី។ ក្រុមប្រឹក្សាសង្កាត់ បានសម្តែងក្តីរំភើបរីករាយ និងមានមោទកភាព ព្រមទាំងអបអរសាទរចំពោះសមិទ្ធផលដែលសម្រេចបាន ហើយនិងបន្តខិតខំរួមចំណែកគាំទ្រនយោយបាយរបស់រាជរដ្ឋាភិបាល ដើម្បីជំរុញការអភិវឌ្ឍប្រទេសជាបន្តបន្ទាប់ទៀត។
