នាព្រឹកថ្ងៃទី១៦ ខែវិច្ឆិកា ឆ្នាំ២០២២ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពដឹកនាំកិច្ចប្រជុំពិនិត្យពិភាក្សាការងាររបស់អង្គភាពលទ្ធកម្មនៃអគ្គលេខាធិការដ្ឋានព្រឹទ្ធសភា ទៅលើរបាយការណ៍អនុវត្តកិច្ចលទ្ធកម្ម ឆ្នាំ២០២២ របាយការណ៍ អនុវត្តកិច្ចលទ្ធកម្មរយៈពេល១០ឆ្នាំ និងការអនុម័តលើសេចក្តី ព្រាងផែនការលទ្ធកម្ម ឆ្នាំ២០២៣។ ក្នុងឱកាសនោះ ក៏មានការអញ្ជើញចូលរួមពីឯកឧត្តមអគ្គលេខាធិការរងព្រឹទ្ធសភា ឯកឧត្តមអគ្គនាយក លោកជំទាវអគ្គនាយិការ នៃអគ្គនាយកដ្ឋានទាំង៥ និងថ្នាក់ដឹក មន្ត្រីជំនាញអង្គភាពលទ្ធកម្មនៃអគ្គលេខាធិការដ្ឋានព្រឹទ្ធសភា នៅសាលប្រជុំពិសេសខាងក្រោម វិមានព្រឹទ្ធសភា។ ប្រភព៖នាយកដ្ឋានព័ត៌មាន
