ក្នុងឱកាសចុះឈេ្វងយល់ និងប្រមូលព័ត៌មាន ពាក់ព័ន្ធនឹងវិស័យជំនាញជាសមត្ថកិច្ចរបស់គណៈកម្មការទី៨ព្រឹទ្ធសភា នារសៀលថ្ងៃទី១៣ ខែធ្នូ ឆ្នាំ២០២២ គណៈប្រតិភូគណៈកម្មការទី៨ព្រឹទ្ធសភា ដឹកនាំដោយលោកជំទាវ មាន សំអាន ប្រធានគណៈកម្មការ អមដំណើរដោយឯកឧត្តម ហ៊ិល រ៉ាយ៉ា អភិបាលរងនៃគណៈអភិបាលខេត្តបន្ទាយមានជ័យ និងលោក គាត ហ៊ុល អភិបាលនៃអភិបាលក្រុងប៉ោយប៉ែត បានអញ្ជើញទស្សនកិច្ចច្រកទ្វារព្រំដែនអន្តរជាតិប៉ោយប៉ែត និងស្ពានមិត្តភាពកម្ពុជា-ថៃ ច្រកទ្វារព្រំដែនអន្តរជាតិស្ទឹងបត់ ដែលស្ថិតនៅក្រុងប៉ោយប៉ែត ខេត្តបន្ទាយមានជ័យ ដើម្បីពិនិត្យមើលពីដំណើរការបច្ចុប្បន្នភាពនៃកំណើនភ្ញៀវទេសចរណ៍ជាតិ-អន្តរជាតិ និងកំណើនសេដ្ឋកិច្ច ក្នុងបរិបទបើកដំណើរការច្រកទ្វារព្រំដែនឡើងវិញ បន្ទាប់ពីវិបត្តិជំងឺកូវីដ-១៩។
ប្រភព៖ នាយកដ្ឋានព័ត៌មាន
