លោកជំទាវ ចឹក ហេង បានចុះឈ្វេងយល់ និងសំណេះសំណាលជាមួយក្រុមប្រឹក្សាឃុំ មន្ត្រីប៉ុស្តិ៍ស្ថិតនៅក្នុងឃុំកំពង់ស្រឡៅពីរ ស្រុកឆែប ខេត្តព្រះវិហារ
![](https://senate.gov.kh/wp-content/uploads/2023/01/2023-01-09_12-24-49.jpg)
ព្រឹកថ្ងៃទី០៦ ខែមករា ឆ្នាំ២០២៣ លោកជំទាវ ចឹក ហេង សមាជិកព្រឹទ្ធសភាប្រចាំភូមិភាគទី៨ ។បានចុះឈ្វេងយល់និងសំណេះសំណាលជាមួយក្រុមប្រឹក្សាឃុំ មន្ត្រីប៉ុស្តិ៍ស្ថិតនៅក្នុងឃុំកំពង់ស្រឡៅពីរ ស្រុកឆែប ខេត្តព្រះវិហារដែលអមដំណើរដោយលោក សុខ សាន្តតារ៉ា អភិបាលរង ខេត្ត លោកអ៊ុ សុភឿន អភិបាលរងស្រុក ដែលមាន អ្នកចូលរួម ចំនួន ១០នាក់។ក្រោយពីបានស្តាប់របាយការណ៏របស់ឃុំរួច លោកជំទាវចឹក ហេង បានសំដែងនូវការកោតសសើរ និងលើកទឹកចិត្តដល់អាជ្ញាធរមូលដ្ឋាន លើការផ្តល់សេវាសាធារណៈជូនប្រជាពលរដ្ឋ ការអនុវត្តគោលនយោបាយ ភូមិឃុំមានសុវត្ថិភាព រក្សាសណ្តាប់ធ្នាប់ក្នុងមូលដ្ឋានបានល្អ។ជាពិសេសលោកជំទាវសំណូមពរអោយអាជ្ញាធរចូលរួមសហការជាមួយមាតា បិតា កុមារា កុមារី ជំរុញកូន ចៅ អោយចូលរៀននៅតាម សាលា និងត្រូវរក្សាសុខភាព អោយបានល្អ អនុវត្ត៣ការពារ ៣កុំ។ក្នុងពិធីសំណេះសំណាលនេះលោកជំទាវ ចឹក ហេង បានផ្តល់ ម៉ាស់ចំនួន ០៧ ប្រអប់ និង ផ្តល់ថវិកាមួយចំនួនដល់សមាជិក ចូលរួមផងដែរ។