ឯកឧត្តម ខៀវ មុត លោកជំទាវ កង សៅរ៍ធន និងឯកឧត្តម លី សារី បានអញ្ជើញចុះជួបសំណេះសំណាល សួរសុខទុក្ខជាមួយមន្ត្រីរាជការ កងកម្លាំង មេឃុំ មេភូមិ ប្រធាន-អនុមប្រធានមណ្ឌលសុខភាព នៃរដ្ឋបាលស្រុកទឹកឈូ
នៅសាលប្រជុំសាលាស្រុកទឹកឈូ រសៀល ថ្ងៃសុក្រ ទី០៦ ខែមករា ឆ្នាំ២០២៣ ឯកឧត្តម ខៀវ មុត អនុប្រធានគណៈកម្មការទី១ ប្រធានក្រុមសមាជិកព្រឹទ្ធសភាប្រចាំភូមិភាគទី៥ លោកជំទាវ កង សៅរ៍ធន លេខាធិកាគណៈកម្មការទី៣ សមាជិកាក្រុមសមាជិកព្រឹទ្ធសភាប្រចាំភូមិភាគទី៥ និងឯកឧត្តម លី សារី សមាជិកគណៈកម្មការទី៣ សមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះជួបសំណេះសំណាល សួសុខទុក្ខជាមួយមន្ត្រីរាជការនៃរដ្ឋបាលស្រុកទឹកឈូ កងកម្លាំងទាំង៣ មេឃុំ ទាំង១៣ ប្រធាន-អនុប្រធានមណ្ឌលសុខភាពទាំង៩ មេភូមិ ទាំង៥៥ភូមិ សរុបចំនួន ១០៥នាក់។
ក្នុងឱកាសនោះឯកឧត្តមប្រធាន បាននាំយកនូវឧបករណ៍តេស្តរហ័ស Rapid Test កូវីដ-១៩ ចំនួន ៨១ប្រអប់ ស្មើនឹងចំនួន ២០២៥ឧបករណ៍ ឧបត្ថម្ភជូនមណ្ឌលសុខភាពទាំង៩ ដោយក្នុងមួយមណ្ឌលសុខភាពទទួលបានចំនួន៩ប្រអប់ ស្មើនឹង ២២៥ឧបករណ៍ ។
