នាព្រឹកថ្ងៃទី១៣ ខែកុម្ភៈ ឆ្នាំ២០២៣ ឯកឧត្តម គិន ណែត លេខាធិការគណៈកម្មការទី២ព្រឹទ្ធសភានិងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៥ បាននាំយកឧបករណ៍តេស្តរហ័សកូវីត១៩របស់សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភានិងជាប្រមុខរដ្ឋស្ដីទីនៃព្រះរាជាណាចក្រកម្ពុជាចែកជូនដល់មណ្ឌលសុខភាពទាំង១៥និងការិយាល័យស្រុកប្រតិបត្តិរបស់ស្រុកព្រៃកប្បាសនិងស្រុកអង្គរបុរី ដែលក្នុងមួយមណ្ឌលៗទទួលបានឧបករណ៍តេស្តចំនួន៦ប្រអប់ ការរិយាល័យស្រុកប្រតិបត្តិទាំង២ទទួលបានក្នុងមួយការរិយាល័យ២៥ប្រអប់ រដ្ឋបាលសាលាស្រុកទាំង២ទទួលបានក្នុងមួយស្រុក១៥ប្រអប់ សរុបឧបករណ៍តេស្តរហ័សកូវីត១៩ដែលបានចែកជូនមានចំនួន១៧១ប្រអប់ស្មើនឹង៤២៧៥ឧបករណ៍តេស្ត។
ក្នុងឱកាសនោះឯកឧត្តម គិន ណែត បានពាំនាំនូវប្រសាសន៍ផ្ដាំផ្ញើសាកសួរសុខទុក្ខនិងជូនពរជ័យពីសម្ដេចប្រធានព្រឹទ្ធសភានិងជាប្រមុខរដ្ឋស្ដីទីព្រមទាំងសំណូមពរដល់ថ្នាក់ដឹកនាំមន្ត្រីនិងបុគ្គលិកសុខាភិបាលនៃមន្ទីរពេទ្យស្រុកទាំងពីរឲ្យខិតខំបម្រើប្រជាជនពិសេសការផ្ដល់សេវាសុខាភិបាលឲ្យបានកាន់តែល្អប្រសើរថែមទៀត។