ស្ថិតនៅសាលាឃុំក្រសាំង នៅព្រឹកថ្ងៃព្រហស្ប៍ ទី១៦ ខែកុម្ភៈ ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ បានអញ្ជើញចុះជួបសំណេះសំណាល និងឈ្វេងយល់ ការផ្តល់សេវាសាធារណៈ ការអនុវត្តគោលនយោបាយភូមិ ឃុំ មានសុវត្ថិភាព និងការជំរុញប្រជាពលរដ្ឋទៅចាសក់វ៉ាក់សាំង នៅភូមិភូមិ ខ្នារ ភូមិ គោល និងភូមិគោកស្ពាន ឃុំក្រសាំង ស្រុកចុងកាល ខេត្តឧត្តរមានជ័យ។ ថ្លែងក្នុងឱកាសនោះ ឯកឧត្តម បានការកោតសរសើរ និងលើកទឹកចិត្តដល់អាជ្ញាធរមូលដ្ឋាន ដែលខិត្តខំបំពេញការងារដោយស្មារតីទទួលខុសត្រូវតាមភារកិច្ចរបស់ខ្លួនទទួលបានលទ្ធផលល្អ ដែលធ្វើឱ្យភូមិ ឃុំ មានការវិវត្តរីកចម្រើនជាបន្តបន្ទាប់។ សំណូមពរ បន្តយកចិត្តទឹកដាក់លើការងារផ្តល់សេវាសាធារណៈ ការអនុវត្តគោលនយោបាយភូមិ ឃុំ មានសុវត្ថិភាព ពិសេសរួបរួមគ្នាដោះស្រាយបញ្ហាប្រឈមនានា ដើម្បីប្រែក្លាយទៅជាកាលានុវត្តភាព។ ត្រៀមផែនការសកម្មភាពនានា ឱ្យបានល្អ និងមានប្រសិទ្ធភាព ដើម្បីទទួលបានជ័យជន្នះក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នំា២០២៣ នាពេលខាងមុខ។