នាព្រឹកថ្ងៃទី២៨ ខែកុម្ភៈ ឆ្នាំ២០២៣ អគ្គលេខាធិការដ្ឋានព្រឹទ្ធសភា (អ.ពស) បានប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារសម្រាប់ខែមីនា ឆ្នាំ២០២៣ ក្រោមអធិបតីភាពឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា ដោយមានការអញ្ជើញចូលរួមពីថ្នាក់ដឹកនាំអង្គភាពចំណុះអគ្គលេខាធិការដ្ឋានព្រឹទ្ធសភា ចាប់ពីអនុប្រធាននាយកដ្ឋានឡើង។ បន្ទាប់ពីការបញ្ចាំងវីដេអូស្តីពីការបូកសរុបលទ្ធផលការងាររបស់ អ.ពស ប្រចាំខែកុម្ភៈ ឆ្នាំ២០២៣រួចមក ឯកឧត្តម អ៊ុ សារឹទ្ធ បានជម្រាបជូនអង្គប្រជុំអំពីសភាពការណ៍អន្តរជាតិ តំបន់ និងជាតិ ដែលកំពុងបន្តកេីតមានព្រមទាំងលទ្ធផលការងារ និងកំណត់ទិសដៅសម្រាប់អនុវត្តបន្តផងដែរ៕
ប្រភព៖ នាយកដ្ឋានព័ត៌មាន
