ថ្ងៃពុធ ទី២៩ ខែមីនា ឆ្នាំ២០២៣ វេលាម៉ោង១៤:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចុះជួបសំណេះសំណាលជាមួយក្រុមប្រឹក្សាសង្កាត់ទឹកល្កក់ទី២ ខណ្ឌទួលគោក រាជធានីភ្នំពេញ ដើម្បីស្តាប់របាយការណ៍ ស្តីពីការត្រៀមរៀបចំផែនការ ការពារសន្តិសុខ សុវត្ថិភាព សណ្តាប់ធ្នាប់សាធារណៈរបស់គណបញ្ជាការឯកភាពសង្កាត់ ក្នុងឱកាសបុណ្យចូលឆ្នាំប្រពៃណីជាតិខាងមុខនេះ និងការប្រគល់ភារកិច្ចសហការជាមួយមេភូមិទាំង១៣ ឲ្យបានទាន់ពេល ដោយត្រូវបន្តរួមគ្នាអនុវត្តវិធានសុខាភិបាល ៣ការពារ ៣កុំ និងលើកទឹកចិត្តបងប្អូនប្រជាពលរដ្ឋ បានទៅចាក់វ៉ាក់សាំងដូសជម្រុញបន្ថែមទៀតកុំបីធ្វេសប្រហែសឡើយ។ នាឱកាសនោះ ឯកឧត្តម បាន ឧបត្ថម្ភជូនឧបករណ៍ធ្វើតេស្តរហ័ស ចំនួនមួយកេះធំ ស្មើ៥២៥បន្ទះតេស្តផងដែរ។