ឯកឧត្តម ឡៅ ឆន បានយកចង្ហាន់ សម្ភារៈបរិក្ខាសម្រាប់ព្រះសង្ឃ និង ថវិកាមួយចំនួន ទៅប្រគេនព្រះសង្ឃគង់ នៅវត្តព្រះព្រហ្មរតន៍
នៅថ្ងៃអង្គារ ទី០៤ ខែមេសា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំងបង ប្អូន កូន ក្មួយ បានយកចង្ហាន់ សម្ភារៈបរិក្ខាសម្រាប់ព្រះសង្ឃ និង ថវិកាមួយចំនួន ទៅប្រគេនព្រះសង្ឃគង់ នៅវត្តព្រះព្រហ្មរតន៍ ស្ថិតក្នុងក្រុងសៀមរាប ខេត្តសៀមរាប ដើម្បីវេរប្រគេនព្រះសង្ឃ បង្សូកូល ឧទិ្ទសកុសលអនិស្សង្គផលបុណ្យ ជូនដល់បុព្វការីជន មានមាតា បិតា បង ប្អូន កូន ក្មួយ សាច់ញាតិទាំងអស់ ដែលបានចែកឋានទៅលោកខាងមុខ និងបង ប្អូន អស់លោក លោកស្រី វីរជន វីរនាទី អ្នកស្នេហាជតិទាំងអស់ ដែលបានបូជាជីវិតក្នុងបុព្វហេតុការពារជាតិមាតុភូមិ សូមទទួលបានគ្រប់ៗគ្នា និងបានទៅកើតនៅឋានសុគតិភពកុំបីឃ្លាងឃ្លាតឡើយ ព្រមទំាងបានយកថវិកាមួយចំនួនទៅប្រគេនព្រះអង្គ តង់ តន ព្រះបាឡាដ ខេត្តសៀមរាប ដែលកំពុងមានអាពាធ ដើម្បីទុកព្យាបាលព្រះរោគរបស់ព្រះអង្គផ្ទាល់ផងដែរ។
