នារសៀលថ្ងៃទី២៨ ខែមេសា ឆ្នាំ២០២៣ នៅសាលប្រជុំគណៈកម្មការទី១០ព្រឹទ្ធសភា ក្រុមសមាជិកព្រឹទ្ធសភាក្រុមទី៥ បានប្រជុំក្រោមអធិបតីភាពឯកឧត្តមគង់ សារាជ ប្រធានគណៈកម្មការទី៩ព្រឹទ្ធសភា និងជាប្រធានក្រុមសមាជិកព្រឹទ្ធសភាក្រុមទី៥ ដើម្បីពិនិត្យត្រៀមផ្តល់យោបល់លើសេចក្តីព្រាងច្បាប់ចំនួន០៣គឺ៖ ១-សេចក្តីព្រាងច្បាប់ស្តីពី សារពើពន្ធ។ ២-សេចក្តីព្រាងច្បាប់ស្តីពី លទ្ធកម្មសារធារណៈ។ ៣-សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងស្តីពីពាណិជ្ជកម្មតាមព្រំដែនរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម។ សូមជម្រាបថា សេចក្តីព្រាងច្បាប់ទាំងបីនេះ នឹងដាក់ចូលជារបៀបវាៈ ក្នុងសម័យប្រជុំលើកទី១០ព្រឹទ្ធសភា នីតិកាលទី៤ ដើម្បីពិនិត្យហើយឲ្យយោបល់ នាថ្ងៃទី០២ ខែឧសភា ឆ្នាំ២០២៣ខាងមុខ៕
ប្រភព៖នាយកដ្ឋានព័ត៌មាន
