នាព្រឹកថ្ងៃទី១៨ ខែឧសភា ឆ្នាំ២០២៣ អគ្គលេខាធិការដ្ឋានព្រឹទ្ធសភា សហការជាមួយក្រសួងមុខងារសាធារណៈ បានរៀបចំកម្មវិធីបាឋកថា ស្តីពីភាពជាអ្នកដឹកនាំ នវានុវត្តន៍ និងគុណាធិបតេយ្យក្នុងរដ្ឋបាលសាធារណៈ សម្រាប់ពង្រឹងសមត្ថភាពមន្រ្តីរាជការ នៃអគ្គលេខាធិការដ្ឋានព្រឹទ្ធសភា ចាប់ពីអនុប្រធានការិយាល័យឡើង។ កម្មវិធីនេះប្រព្រឹត្តទៅរយៈពេលមួយព្រឹក ក្រោមអធិបតីភាពឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា និងឯកឧត្តម ព្រុំ សុខា រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មាធិការកែទម្រង់រដ្ឋបាលសាធារណៈ នៅសាលសិក្ខាសាលាបណ្ណាល័យព្រឹទ្ធសភា។ ក្នុងឱកាសនោះ ឯកឧត្តម ព្រុំ សុខា បានផ្តល់កិត្តិយសធ្វើបាឋកថាជូនអង្គពិធី ដោយផ្តោតសំខាន់លើ៖ ១.ភាពជាអ្នកដឹកនាំ និងនវានុវត្តន៍ ក.តើអ្វីទៅភាពជាអ្នកដឹកនាំ? ខ.អំណាច និងឥទ្ធិពល គ.ការដឹកនាំរបៀបជាវីរជន និងការដឹកនាំរបៀបមិនតាំងខ្លួនជាវីរជន ឃ.ហេតុអ្វីបានជាការដឹកនាំចាំបាច់ត្រូវមាននវានុវត្តន៍? ២.គុណាធិបតេយ្យ ៣.កំណែទម្រង់រដ្ឋបាលសាធារណៈ ក.គំរូរដ្ឋបាលប្រពៃណី និងគំរូរដ្ឋបាលថ្មី ខ.កសាងវប្បធម៌កែទម្រង់ គ.ការបង្កើត និងការទទួលស្គាល់តម្លៃសាធារណៈ ៤.តួនាទីរបស់រដ្ឋាភិបាល ក.កំណែទម្រង់រដ្ឋបាលសាធារណៈផ្លាស់ប្តូរតួនាទីរបស់រដ្ឋាភិបាល ខ.ការវិវត្តនៃសម័យកាលបដិវត្តន៍ឧស្សាហកម្ម គ.រដ្ឋាភិបាលឌីជីថល។
ប្រភព៖ នាយកដ្ឋានព័ត៌មាន
