ឯកឧត្តម អ៊ឹង លាងហ៊ួ ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញចុះជួបសំណេះសំណាល ជាមួយមន្ត្រីអប់រំនៅការិយាល័យអប់រំស្រុក លោកគ្រូ អ្នកគ្រូ
នារសៀលថ្ងៃសៅរ៍ ទី១០ ខែមិថុនា ឆ្នាំ២០២៣ នៅការិយាល័យអប់រំយុវជន និងកីឡាស្រុកជលគិរី ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញចុះជួបសំណេះសំណាល ជាមួយមន្ត្រីអប់រំនៅការិយាល័យអប់រំស្រុក លោកគ្រូ អ្នកគ្រូ នៅវិទ្យាល័យ សាលាមត្តេយ្យ សាលាបឋម ថ្នាក់បណ្តុះបណ្ដាលវិជ្ជាជីវ:សហគម ស្ថិតក្នុងឃុំព្រៃគ្រី សរុបចំនួន៧៦នាក់ ដោយធ្វើការកោតសរសើរចំពោះលោកគ្រូអ្នកគ្រូទាំងអស់ដែលកន្លងមកបានស្ម័គ្រចិត្តមកបំពេញភារកិច្ចនៅតំបន់ដាច់ ស្រយាលជួបការលំបាក ចេះរស់នៅមានទំនាក់ទំនងល្អ និងរួមចំណែកថែរក្សាការពារសន្តិភាពធ្វើឲ្យមូលដ្ឋានមានការរីកចំរើនជាលំដាប់ បានជម្រាបជូននូវគោលគោលនយោបាយសំខាន់ៗរបស់រាជរដ្ឋាភិបាលចំពោះគ្រូបង្រៀន បានលើកឡើងពីសមិទ្ធផលរបស់សង្គមជាតិក្រោមការដឹកនាំប្រកបដោយកិត្តិបណ្ឌិតរបស់ប្រមុខរាជរដ្ឋាភិបាល ពីដំណើរការបោះឆ្នោតសកលនាពេលឆាប់ៗខាងមុខ ហើយសំណូមពរលោកគ្រូ អ្នកគ្រូបន្តបំពេញភារកិច្ចបណ្ដុះ បណ្ដាលធនធានមនុស្សនៅទីនេះឲ្យបានល្អថែមទៀត បន្តរស់នៅក្នុងសង្គមប្រកបដោយកិត្តិយស ហើយជួយអំពាវនាវប្រជាពលរដ្ឋមាន ឈ្មោះ ក្នុងបញ្ជីបោះឆ្នោតនាំគ្នាទៅបោះឆ្នោត នៅថ្ងៃបោះឆ្នោតទី២៣ ខែកក្កដា ឆ្នាំ២០២៣ កុំបីខាន និងបានជូនម្នាក់ៗ កន្សែងពោះគោ និងថវិកា។
