នាព្រឹកថ្ងៃទី១៦ ខែមិថុនា ឆ្នាំ២០២៣ ក្នុងឱកាសនៃព្រះរាជពិធីចម្រើនព្រះជន្ម ៨៧ យាងចូល ៨៨ព្រះវស្សា របស់ សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ លោកជំទាវ ចឹក ហេង សមាជិកាក្រុមសមាជិព្រឹទ្ធសភាប្រចាំភូមិភាគទី៨ និងជាអនុប្រធានអចិន្ត្រៃយ៍គណៈកម្មាធិការសាខាកាកបាទក្រហម ខេត្តព្រះវិហារ តំណាង ឯកឧត្តម គីម រិទ្ធី ប្រធានគណៈកម្មាធិការសាខា ជាអភិបាលនៃគណៈអភិបាលខេត្ត និងលោក យ៉ុង គឹមហ៊ាន អភិបាលរងខេត្ត ជានាយកប្រតិបត្តិសាខា លោកអភិបាលរងក្រុងព្រះវិហារ ព្រមទាំងសមាជិកអនុសាខា កាកបាទក្រហមក្រុង និងមន្ត្រីប្រត្តិបត្តិសាខា បានអញ្ជើញនាំយកទេយ្យវត្ថុ គ្រឿងឧបភោគបរិភោគទៅប្រគេនព្រះសង្ឃគង់នៅវត្តឧត្តមមុនី ស្ថិតនៅក្នុងសង្កាត់កំពង់ប្រណាក ក្រុងព្រះវិហារ ខេត្តព្រះវិហារ។ ទេយ្យវត្ថុ គ្រឿងឧបភោគបរិភោគរួមមាន ចង្ហាន់ អង្ករ មី ត្រីខ ទឹកសុីអុីវ ទឹកសុទ្ធ ទឹកក្រូច និងបច្ច័យមួយចំនួន។ នាឱកាសនោះលោកជំទាវបានឧបត្ថម្ភដល់លោកយាយ លោកតា ចំនួន ៥២នាក់ ក្នុងម្នាក់ៗទទួលបាន ក្រមា១ និងថវិកា១មុឺនរៀល។