ដើម្បីចូលរួមក្នុងការកាត់បន្ថយការពិការភ្នែក នាថ្ងៃទី២៤ ខែមិថុនា ឆ្នាំ២០២៣ អគ្គលេខាធិការដ្ឋានព្រឹទ្ធសភា បានសហការជាមួយក្រុមគ្រូពេទ្យភ្នែកកម្ពុជា ពេទ្យភ្នែកព្រះកុសុមៈ អង្គការសម្មភាពដើម្បីសុខភាព (ពេទ្យភ្នែកគៀនឃ្លាំង) និងគ្រឹស្តបរិស័ទកម្ពុជារៀបចំពីធីពិនិត្យភ្នែក វាស់កាត់វ៉ែនតាដោយឥតគិតថ្លៃជូនមន្ត្រីរាជការនៃអគ្គលេខាធិកាដ្ឋានព្រឹទ្ធសភា ចំនួន៨០០នាក់ ក្រោមអធិបតីភាពឯកឧត្តម លីម ប៊ុនហុក អគ្គលេខាធិការរងព្រឹទ្ធសភា ឯកឧត្តម ជា ណារ៉េត រដ្ឋលេខាធិការក្រសួងធម្មការ និងសាសនា និងលោក ប៉ាង សាម៉ន ប្រធានមន្ទីរពេទ្យភ្នែកគៀនឃ្លាំង ប្រធានពេទ្យភ្នែកកម្ពុជា និងជាប្រធានផ្នែកជំងឺភ្នែក នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ នៅសាលសិក្ខាសាលាបណ្ណាល័យព្រឹទ្ធសភា។
