នាវេលាម៉ោង២:៣០នាទីរសៀល ថ្ងៃទី០៨ ខែកក្កដា ឆ្នាំ២០២៣ នៅសណ្ឋាគារឡូតូសប្លង់ ខេត្តសៀមរាប គណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) ដឹកនាំដោយឯកឧត្តម ម៉ម ប៊ុននាង ប្រធានគណៈកម្មការ បានអញ្ជើញដឹកនាំកិច្ចពិភាក្សារវាងអាជ្ញាធរខេត្តសៀមរាប ដឹកនាំដោយឯកឧត្តម ពិន ប្រាកដ អភិបាលរងខេត្តសៀមរាប ជាមួយនឹងគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ ដឹកនាំដោយលោក kim Jung-Nam ប្រធានមូលនិធិដើម្បីពិនិត្យឡើងវិញអំពីសេចក្តីត្រូវរបស់ខេត្ត ពាក់ព័ន្ធនឹងតម្រូវការចាំបាច់លើវិស័យសុខាភិបាលរបស់ខេត្ត សម្រាប់ស្នើសុំមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ ក្នុងឱកាសដែលគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ មកបំពេញទស្សនកិច្ចនៅព្រះរាជាណាចក្រកម្ពុជា៕

ប្រភព៖ នាយកដ្ឋានព័ត៌មាន