ឯកឧត្តម ឆាយ វណ្ណា ដឹកនាំកិច្ចប្រជុំត្រៀមចូលរួមកិច្ចប្រជុំសមាជិកសភាវ័យក្មេងអាយប៉ានៃមហាសន្និបាតអាយប៉ាលើកទី៤៤
នាព្រឹកថ្ងៃទី២៥ ខែកក្កដា ឆ្នាំ២០២៣ នៅសាលប្រជុំពិសេសកណ្តាល វិមានព្រឹទ្ធសភា ឯកឧត្តម ឆាយ វណ្ណា លេខាធិការ គណៈកម្មការទី៥ព្រឹទ្ធសភា និងលោកជំទាវ ឃួន ឃុនឌី សមាជិកា គណៈកម្មការទី៥ព្រឹទ្ធសភា និងជាគណៈប្រតិភូសភាកម្ពុជា ត្រូវចូលរួមកិច្ចប្រជុំសមាជិកសភាវ័យក្មេងអាយប៉ានៃមហាសន្និបាតអាយប៉ាលើកទី៤៤ បានដឹកនាំកិច្ចប្រជុំពិនិត្យ និងពិភាក្សាផ្តល់ធាតុចូលលើសេចក្តីព្រាងសេចក្តីសម្រេចចំនួន២ ដែលត្រូវបានស្នើឡើងដោយប្រទេសឥណ្ឌូនេស៊ី និងប្រទេសម៉ាឡេស៊ី ។
សូមជម្រាបថា៖ មហាសន្និបាតអាយប៉ាលើកទី៤៤ នឹងប្រព្រឹតិ្តទៅចាប់ពីថ្ងៃទី០៥ ដល់ថ្ងៃទី១០ ខែសីហា ឆ្នាំ២០២៣ នៅទីក្រុងហ្សាកាតា សាធារណរដ្ឋឥណ្ឌូណេស៊ី៕
ប្រភព៖នាយកដ្ឋានព័ត៌មាន
