នៅថ្ងៃពុធ ១រោច ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវថ្ងៃទី ០២ ខែសីហា ឆ្នាំ ២០២៣ ឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ ព្រឹទ្ធសភា និងលោកជំទាវ អមដំណើរដោយមន្ត្រីខុទ្ទកាល័យឯកឧត្តមកិត្តិនីតិកោសបណ្ឌិតអនុប្រធានទី១ ព្រឹទ្ធសភា បាននាំយកទៀនវស្សា ព្រមទាំងទេយ្យវត្ថុ គ្រឿងឧបភោគបរិភោគ និងបច្ច័យមួយចំនួន ទៅប្រគេនព្រះសង្ឃ សម្រាប់ពិធីគង់ចាំព្រះវស្សាចំនួន ០២វត្ត រួមមានវត្តទេពនិម្មិត ហៅ(វត្តអញ្ចាញ) ស្ថិតនៅឃុំក្របៅ ស្រុកកំចាយមារ និងវត្តពង្ររង្សី ហៅ(វត្តជ្រៃម្រាក់) ស្ថិតនៅឃុំគោកគង់កើត ស្រុកកញ្ច្រៀច ខេត្តព្រៃវែង ។
