ឯកឧត្តម ឡៅ ឆន បានយកចង្ហាន់ និងគ្រឿងបរិក្ខាមួយចំនួនទៅវេរប្រគេនព្រះចៅអធិការវត្តព្រះព្រហ្មរតន៍
នៅថ្ងៃអាទិត្យ ទី០៦ ខែសីហា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងលោកជំទាវ ព្រមទាំងបងប្អូន កូនចៅ បានយកចង្ហាន់ និងគ្រឿងបរិក្ខាមួយចំនួន ដូចជាអង្ករ ទឹកសទ្ធ តែអូឈិ ប្រេងឆា ប៊ីចេង និងថវិកាមួយចំនួន ទៅវេរប្រគេនព្រះចៅអធិការវត្ត និងជាព្រះបាឡាដខេត្តសៀមរាប នៅវត្តព្រះព្រហ្មរតន៍ ស្ថិតក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប សម្រាប់ព្រះសង្ឃក្នុងពេលកំពុងចូលព្រះវស្សា និងបង្សុកូលឧទ្ទិសកុសល ដែលកើតចេញពីការធ្វើបុណ្យនេះ ដល់បុព្វការីជន មានមាតា បិតា ជីដូន ជីតា ញាតិកាទាំងអស់ ដែលបានចែកឋានទៅ និងអស់លោក លោកស្រី ដែលបានពលីជីវិត ដើម្បីរក្សាការពារទឹកដី និងការពារសន្តិភាព សូមទទួលកុសលអាន្និសង្ឃនេះ និងបានទៅកើតនៅឋានសុគតិភពកុំបីឃ្លាងឃ្លាតឡើយ។
