ឯកឧត្តម អ៊ុក ប៊ុនឈឿន ដឹកនាំកិច្ចប្រជុំក្រុមសមាជិកព្រឹទ្ធសភាក្រុមទី៣
នាព្រឹកថ្ងៃទី១៩ ខែកញ្ញា ឆ្នាំ២០២៣នៅសាលប្រជុំគណៈកម្មការទី៦ព្រឹទ្ធសភា ក្រុមសមាជិកព្រឹទ្ធសភា ក្រុមទី៣ បានរៀបចំកិច្ចប្រជុំផ្ទៃក្នុងក្រុម ក្រោមអធិបតីភាពឯកឧត្តម អ៊ុក ប៊ុនឈឿន ប្រធានក្រុមទី៣ និងជាប្រធានគណៈកម្មការទី៦ព្រឹទ្ធសភា ដើម្បីពិនិត្យពិភាក្សាលើរបៀបវារៈរួមមាន៖
១-សេចក្តីព្រាងច្បាប់ ស្តីពីការបង្កើតក្រសួងអធិការកិច្ច។
២-សេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានកិច្ចការព្រំដែន។
ក្នុងឱកាសនោះ ក៏មានការចូលរួមជាមតិយោបល់ពីឯកឧត្តម លោកជំទាវ សមាជិក សមាជិកាក្រុមទី៣ ក្នុងកិច្ចប្រជុំក្រុមពិភាក្សាលើសេចក្តីព្រាងច្បាប់ខាងលើនេះ ដោយសង្កត់ធ្ងន់ ទៅលើទម្រង់ច្បាប់នៃសេចក្តីព្រាងច្បាប់ ទិដ្ឋភាពច្បាប់នៃសេចក្តីព្រាងច្បាប់ ព្រមទាំងពិនិត្យខ្លឹមសាររួម និងខ្លឹមសារទូទៅ។

ប្រភព៖នាយកដ្ឋានព័ត៌មាន