នៅថ្ងៃទី ០៦ ខែធ្នូ ២០២៣ នៅសណ្ឋាគារ កាំបូឌីយ៉ាណា ឯកឧត្តម យ៉ង់ សែម ប្រធានគណ:កម្មការទី១ ព្រឹទ្ធសភា បានអញ្ជេីញចូលរួមជាអធិបតីក្នុងសិក្ខាសាលាពិគ្រោះយោបល់ថ្នាក់ជាតិសម្រាប់ការពិនិត្យជាសកលតាមកាលកំណត់(UPR) ដែលរៀបចំដោយគណ:កម្មាធិការសិទ្ធិមនុស្សកម្ពុជា សហការជាមួយការិយាល័យឧត្តមស្នងការទទួលបន្ទុកសិទ្ធិមនុស្សនៅកម្ពុជា ដែលមានការចូលរួមពីតំណាងក្រសួងពាក់ព័ន្ធ សមាជិករដ្ឋសភា-ព្រឹទ្ធសភា តំណាងអង្គការសង្គមស៊ីវិល និងតំណាងភ្នាក់ងារអង្គការសហប្រជាជាតិសរុបទាំងអស់១០០នាក់។ ការពិនិត្យជាសកលតាមកំណត់(UPR) គឺជាយន្តការពិសេសមួយធ្វេីការពិនិត្យការបំពេញកាតព្វកិច្ចសិទ្ធិមនុស្សរបស់រដ្ឋភាគីតាមកាលកំណត់ជាក់លាក់មួយក្នុងដំណេីរការពិនិត្យដែលធ្វេីឡេីងដោយរដ្ឋជាសមាជិកអង្គការសហប្រជាជាតិទាំងអស់។ UPR ផ្តល់ឱកាស់ដល់រដ្ឋសមាជិក រាយកាណ៍ពីសកម្មភាព ដែលខ្លួនបានធ្វេីជាទៀងទាត់ក្នុងការធ្វេីឱ្យស្ថានភាពសិទ្ធិមនុស្សល្អប្រសេីរ និងលុបបំបាត់បញ្ហាប្រឈមដែលរាំងស្ទះការគោរពសិទ្ធិមនុស្សពេញលេញ និងដេីម្បីទទួលបានអនុសាសនពីរដ្ឋភាគីផ្សេងទៀតដេីម្បីការធ្វេីឱ្យប្រសេីរឡេីងជាបន្តបន្ទាប់ក្នុងដំណេីរការដែលទទួលបានធាតុចូលពីភាគីពាក់ព័ន្ធនានា និងរបាយការណ៍មុនវគ្គ។