នាព្រឹកថ្ងៃទី០៨ ខែធ្នូ ឆ្នាំ២០២៣ អគ្គលេខាធិការដ្ឋានព្រឹទ្ធសភា (អ.ពស) បានរៀបចំពិធីបិទវគ្គបណ្តុះបណ្តាលស្តីពី «នីតិវិធីនៃការរៀបចំឯកសារតាមលក្ខណៈបច្ចេកទេស» ក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា និងលោកជំទាវ លឹម គី អនុរដ្ឋលេខាធិការនៃទីស្តីការគណៈរដ្ឋមន្ត្រី នៅសាលសិក្ខាសាលាខាងជើង វិមានព្រឹទ្ធសភា។ វគ្គបណ្តុះបណ្តាលនេះ ឧទ្ទេសនាមដោយលោកជំទាវ លឹម គី អនុរដ្ឋលេខាធិការនៃទីស្តីការគណៈរដ្ឋមន្ត្រី សិក្សាចំនួន០៥ពេល ចាប់ផ្តើមពីថ្ងៃទី០៤ ដល់ទី០៨ ខែធ្នូ ឆ្នាំ២០២៣ មានសិក្ខាកាមចូលរួមចំនួន២២រូប មកពីបណ្ណសារដ្ឋាន និងមន្រ្តីជំនួយការអគ្គនាយកដ្ឋានរដ្ឋបាល និងហិរញ្ញវត្ថុ។ វគ្គបណ្តុះបណ្តាលនេះ ផ្តោតសំខាន់ទៅលើ៖ ១-តួនាទី ភារកិច្ច របស់នាយកដ្ឋានតម្កល់បណ្ណសារ ២-ការចងក្រងសំណុំឯកសារ ៣-ការប្រមូលផ្តុំបណ្ណសារតម្កល់ទុក ៤-ការងារធ្វើស្ថិតិ និងត្រួតពិនិត្យឯកសារ ៥-អនុវត្តន៍ជាក់ស្តែងរៀបចំឯកសារនៅបណ្ណសារដ្ឋាន។
ប្រភព៖ នាយកដ្ឋានព័ត៌មាន
