នាព្រឹកថ្ងៃចន្ទ ១០រោច ខែភទ្របទ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៣ ខែកញ្ញា ឆ្នាំ២០១៩ អគ្គលេខាធិការដ្ឋានព្រឹទ្ធសភា រៀបចំពិធីសំណេះសំណាលជាមួយនិវត្តជន និងមន្ត្រីរាជការវ័យចំណាស់ ក្នុងឱកាសទិវាមនុស្សចាស់កម្ពុជា និងទិវាមនុស្សចាស់អន្តរជាតិ ០១ តុលា ក្រោមអធិបតីភាព ឯកឧត្តម ឈឹម ព្រះខ័ន អគ្គនាយករដ្ឋាបាល និងហិរញ្ញវត្ថុ និងឯកឧត្តម កែវ ចាន់ណា អគ្គនាយកព័ត៌មាន និងទំនាក់ទំនងសាធារណៈ នៅសាលសិក្ខាសាលាខាងជេីងវិមានព្រឹទ្ធសភា។

ក្រោយពីជួបសំណេះសំណាលរួចមក អគ្គលេខាធិការដ្ឋានព្រឹទ្ធសភា បានរៀបចំហូបនំបញ្ចុកសាមគ្គីភាព ឯកភាពជាតិជូនដល់និវត្តជន និងមន្ត្រីរាជការវ័យចំណាស់ផងដែរ។