ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម និងជាអនុប្រធានគណៈកម្មការទី១ព្រឹទ្ធសភា បានអញ្ជើញជួបសំណេះសំណាល សួរសុខទុក្ខ ជាមួយនឹងថ្នាក់ដឹកនាំក្រុងកំពត ក្រុងបូកគោ និងក្រុមប្រឹក្សាស្រុកទឹកឈូ សរុបចំនួន១១៥នាក់ នារសៀលថ្ងៃទី០៩ ខែមករា ឆ្នាំ២០២៤ នៅសាលប្រជុំសាលាក្រុងកំពត។ អង្គពិធីបានប្រព្រឹត្តិទៅដោយមានរបៀបវារៈរួមមាន៖ ទី១-មតិស្វាគមន៍ និងអានរបាយការណ៍របស់លោក លាង រឿនសុធី អភិបាលនៃគណៈអភិបាលក្រុងកំពត ទី២-ឯកឧត្តម ទេព យុទ្ធី លេខាធិការក្រុមសមាជិកព្រឹទ្ធសភាប្រចាំភូមិភាគទី៥ ធ្វើការផ្សព្វផ្សាយអំពីសមិទ្ធផលមុខងារតំណាងរបស់ក្រុមសមាជិកព្រឹទ្ធសភាប្រចាំភូមិភាគទី៥ ក្នុងនីតិកាលទី៤នៃព្រឹទ្ធសភា ទី៣-មតិសំណេះសំណាល និងផ្តាំផ្ញើររបស់លោកជំទាវ អ៊ុន សុគន្ធា អ្នកតំណាងរាស្ត្រខេត្តកំពត និងទី៤-ឯកឧត្តម ខៀវ មុត ប្រធានក្រុមសមាជិកព្រឹទ្ធសភាប្រចាំភូមិភាគទី៥ មានប្រសាសន៍ផ្តាំផ្ញើរដើម្បីត្រៀមលក្ខណៈឆ្ពោះទៅកាន់ការបោះឆ្នោតជ្រេីសតាំងសមាជិកព្រឹទ្ធសភានីតិកាលទី៥នាពេលខាងមុខ និងបញ្ហាផ្សេងៗ…។
ប្រភព៖នាយកដ្ឋានព័ត៌មាន
