ឯកឧត្តម លី រិទ្ធី បានអញ្ជើញដាក់កម្រងផ្កាគោរពវិញ្ញាណក្ខន្ធសពឧបាសក ឃុត ឥន្ទសេរី នាយកផ្នែកទំនាក់ទំនងនៃវិទ្យាស្ថានសភាកម្ពុជា PIC
នារសៀលថ្ងៃអាទិត្យ ១២កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៣ ខែកក្កដា ឆ្នាំ២០១៩ គណៈប្រតិភូអគ្គលេខាធិការដ្ឋានព្រឹទ្ធសភា ដឹកនាំដោយឯកឧត្តម លី រិទ្ធី អគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ នៃអគ្គលេខាធិការដ្ឋានព្រឹទ្ធសភា បានអញ្ជើញដាក់កម្រងផ្កាគោរពវិញ្ញាណក្ខន្ធសពឧបាសក ឃុត ឥន្ទសេរី នាយកផ្នែកទំនាក់ទំនងនៃវិទ្យាស្ថានសភាកម្ពុជា (pic) ដែលបានទទួលមរណភាព កាលពីថ្ងៃសៅរ៍ ទី១៣ ខែកក្កដា ឆ្នាំ២០១៩ វេលាម៉ោង០៨:១៥នាទីព្រឹក ក្នុងជន្មាយុ៦៤ឆ្នាំ ដោយរោគាពាធ។
សពឧបាសក ឃុត ឥន្ទសេរី ត្រូវបានតម្កល់ទុកធ្វើបុណ្យទក្ខិណានុប្បទាន ទៅតាមប្រពៃណីព្រះពុទ្ធសាសានា នៅគេហដ្ឋានផ្ទះលេខ៥ ផ្លូវលំ ភូមិតាងៅ សង្កាត់និរោធ ខណ្ឌច្បារអំពៅ រាជធានីភ្នំពេញ (ក្នុងបុរីហេង មានជ័យ)៕
