គណៈកម្មការទី៣ព្រឹទ្ធសភាប្រជុំផ្ទៃក្នុងដើម្បីពិនិត្យពិភាក្សាលើសេចក្តីព្រាងច្បាប់ពាក់ព័ន្ធនឹងពាណិជ្ជកម្ម
សេចក្តីព្រាងច្បាប់ស្តីពី ការអនុម័តយល់ព្រមលើពិធីសារសម្រាប់ធ្វើវិសោធនកម្មច្បាប់កិច្ចព្រមព្រៀងម៉ារ៉ាកេសស្តីពីការបង្កើតអង្គការពាណិជ្ជកម្មពិភពលោក ដើម្បីបញ្ចូលកិច្ចព្រមព្រៀងស្តីពីការឧបត្ថម្ភធនជលផល ត្រូវបានគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា លើកយកមកប្រជុំពិនិត្យ និងពិភាក្សា ក្រោមអធិបតីភាពឯកឧត្តមបណ្ឌិត ម៉ុង ប្ញទ្ធី ប្រធានគណៈកម្មការទី៣ព្រឹទ្ធសភា នាព្រឹកថ្ងៃពុធ ទី០៦ ខែមីនា ឆ្នាំ២០២៤ វេលាម៉ោង០៨:០០នាទីព្រឹក នៅសាលប្រជុំពិសេសកណ្តាល វិមានព្រឹទ្ធសភា។
សេចក្តីព្រាងច្បាប់នេះ ត្រូវបានគណៈកម្មាធិការអចិន្រ្តៃយ៍ព្រឹទ្ធសភា បញ្ជូនមកគណៈកម្មការទី៣ព្រឹទ្ធសភាពិនិត្យសិក្សា រួចរាយការណ៍ជូនគណៈកម្មាធិការអចិន្រ្តៃយ៍ព្រឹទ្ធសភាវិញ៕
ប្រភព៖ នាយកដ្ឋានព័ត៌មាន
