ឯកឧត្តម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញដឹកនាំកិច្ចប្រជុំស្ដីពី ការរៀបចំត្រៀមផែនការសន្តិសុខ សណ្តាប់ធ្នាប់សាធារណៈសម្រាប់បើកយុទ្ធនាការឃោសនាបោះឆ្នោត
នាព្រឹកថ្ងៃទី១៤ ខែឧសភា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញដឹកនាំកិច្ចប្រជុំស្ដីពី ការរៀបចំត្រៀមផែនការសន្តិសុខ សណ្តាប់ធ្នាប់សាធារណៈសម្រាប់បើកយុទ្ធនាការឃោសនាបោះឆ្នោត និងត្រៀមការចុះជួបអង្គបោះឆ្នោតតាមមូលដ្ឋាន។ សមាសភាពលោក ដា ទឹង ប្រធានក្រុមប្រឹក្សាស្រុក លោក លឿង សុភក្តិ អភិបាលស្រុក លោក ភិន ឈួង អភិបាលរងស្រុក លោកស្រី និត សោភ័ណ អភិបាលរងស្រុក និងលោក អឿន សេដ្ឋាអភិបាលរងស្រុក។ ក្នុងឱកាសនោះ បានសម្តែងការពេញចិត្តដែលបានរួបរួមគ្នាធ្វើឱ្យមូលដ្ឋានមានការប្រែប្រួលរីកចម្រើន ជីវភាពប្រជាពលរដ្ឋបានល្អប្រសើរ។ បន្ទាប់ពីកិច្ចប្រជុំបញ្ចប់ ឯកឧត្ដម និងសហការី បានបន្តចុះជួបអង្គបោះឆ្នោតនៅឃុំតាផូ និងចុះសួរសុខទុក្ខលោក មៀន ឆិញ និងលោក យិង ត្រា សមាជិកក្រុមប្រឹក្សាឃុំតាផូ ដល់ខ្នងផ្ទះដែលកំពុងសម្រាកព្យាបាលជំងឺ។ ឯកឧត្តម ក៏បានជួយឧបត្ថម្ភថវិកាមួយចំនួនជូនពួកគាត់ទាំងពីរផងដែរ។
