នៅរសៀលថ្ងៃទី១៦ ខែឧសភា ឆ្នាំ២០២៤ ឯកឧត្តម លី សារី សមាជិកគណៈកម្មការទី១ព្រឹទ្ធភា និងជាសមាជិកក្រុមសមាជិកព្រឹទ្ធសភាភូមិភូមិទី៥ បានចុះជួបសំណេះសំណាលជាមួយប្រជាពលរដ្ឋ នៅភូមិព្រៃខ្នង ឃុំព្រែខ្នង ស្រុកទឹកឈូ ខេត្តកំពត ក្នុងពិធីរៀបចំធ្វើដំណើរបេសកកម្មដើម្បីធ្វើហាជ្ជី នាពេលខាងមុខ ដោយមានការចូលរួមពីសំណាក់ ឯកឧត្តម សមាជិកក្រុមប្រឹក្សាខេត្ត គណៈអុីម៉ាំខេត្ត ក្រុង ស្រុក សមាជិកក្រុមប្រឹក្សាឃុំ សង្កាត់ និងអាជ្ញាធរមូលដ្ឋានផងដែរ ។ ខ្លឹមសារសំណេះសំណាលគឺ ដោយប្រទេសកម្ពុជាយើងមានសន្តិភាព ប្រជាពលរដ្ឋអាចអនុវត្តន៍សិទ្ធសេរីភាពរបស់ខ្លួនបានគ្រប់គ្រាន់ សិទ្ធិរស់រានមានជីវិត សិទ្ធិប្រកបមុខរបរ សិទ្ធិតាំងទីលំនៅ សិទ្ធិអនុវត្តន៍ជំនឿសាសនា និងអនុវត្តន៍តាមគោលការណ៍សាសនា សិទ្ធិដើរហើរក្នុង និងក្រៅប្រទេស ជាក់ស្តែងថ្ងៃនេះបងប្អូនរៀបដំណើរ ដើម្បីទៅបំពេញបេសកកម្មហាជ្ជី នៅឯប្រទេសអារ៉ាប់ នេះគឺជាការអនុវត្តន៍សិទ្ធិសេរីភាពរបស់បងប្អូន តែធ្វើយ៉ាងណាការអនុវត្តន៍សិទ្ធិនេះ កុំឱ្យប៉ះពាល់ដល់សិទ្ធិអ្នកដទៃ ។
ខ្លឹមសារ : ការិយាល័យអមក្រុមភូមិភាគទី៥
