ឯកឧត្តម ឡោក ឆាយ បានអញ្ជើញដាក់កម្រោងផ្កា គោរពវិញ្ញាណក្ខន្ធសពឯកឧត្តម នាវនៅ បញ្ញា ពិសិដ្ឋ អនុរដ្ឋលេខាធិការក្រសួងព័ត៌មាន ដែលបានទទួលមរណភាព
កាលពីព្រឹកថ្ងៃពុធ ៦កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែមេសា ឆ្នាំ២០១៩ គណៈប្រតិភូអគ្គលេខាធិការដ្ឋានព្រឹទ្ធសភា ដឹកនាំដោយឯកឧត្តម ឡោក ឆាយ អគ្គលេខាធិការស្តីទីព្រឹទ្ធសភា បានអញ្ជើញដាក់កម្រោងផ្កា គោរពវិញ្ញាណក្ខន្ធសពឯកឧត្តម នាវនៅ បញ្ញា ពិសិដ្ឋ អនុរដ្ឋលេខាធិការក្រសួងព័ត៌មាន ដែលបានទទួលមរណភាព កាលពីថ្ងៃទី៩ ខែមេសា ឆ្នាំ២០១៩ វេលាម៉ោង០៧:០០នាទី ព្រឹក ក្នុងជន្មាយុ៤១ឆ្នាំ ដោយជម្ងឺគាំងបេះដូង។
សពរបស់ឯកឧត្តម ត្រូវបានតម្កល់ទុកធ្វើបុណ្យទក្ខិណានុប្បទាន តាមប្រពៃណីព្រះពុទ្ធសាសនា នៅផ្ទះលេខ១១ ផ្លូវលេខ៥០២ សង្កាត់ផ្សារថ្កូវ ខណ្ឌចំការមន រាជធានីភ្នំពេញ៕
