ឯកឧត្តម ម៉ាន់ ឈឿន ជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ
ថ្ងៃអង្គារ៍ ទី២៥ ខែមិថុនា ឆ្នាំ២០២៤ វេលាម៉ោង១៤:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីទទួលព័ត៌មាន ស្តីពីវឌ្ឍនភាពការងារក្នុងខែមិថុនា និងកំណត់ទិសដៅបន្តសម្រាប់ខែកក្កដា ឆ្នាំ២០២៤ លើការងារថែរក្សាសន្តិសុខសណ្តាប់ធ្នាប់សុវត្ថិភាព ជីវភាពសង្គម រួមមាន៖
-បន្តបង្កើនការល្បាតបង្ក្រាបក្មេងទំនើង
-បន្តចុះសម្ភាសន៍គ្រួសារក្រ១ និងក្រ២
-បន្តវេទិកាសាធារណៈឲ្យបានទៀងទាត់
-បន្តការងារស្តារលូ ការប្រមូលដឹកជញ្ជូនសំរាម និងការថែទាំសុខភាពជូនបងប្អូនប្រជាពលរដ្ឋនៅតាមភូមិទាំង១៣។ ស្ថិតនៅសាលាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
