ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមពិធីរាប់បាត្រប្រគេនចង្ហាន់ព្រះសង្ឃ ក្នុងពិធីបុណ្យឆ្លងក្លោងទ្វារចូលភូមិចេក
នាព្រឹកថ្ងៃទី៣០ ខែមិថុនា ឆ្នាំ២០២៤ ឯកឧត្តម គឹម ធា លេខាធិការគណៈកម្មការទី៦ព្រឹទ្ធសភា និងជា សមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមពិធីរាប់បាត្រប្រគេនចង្ហាន់ព្រះសង្ឃ ក្នុងពិធីបុណ្យឆ្លងក្លោងទ្វារចូលភូមិចេក ក្នុងសង្កាត់ចេក ក្រុងស្វាយរៀង ខេត្តស្វាយរៀង។ ក្នុងឱកាសនោះក៏មានពិធីសំណេះសំណាលអបអរសមិទ្ធផលថ្មី ដែលភូមិបានសាមគ្គីគ្នាកសាងឡើង ជាមួយសមិទ្ធផលរួមរបស់ប្រទេសជាតិ ដែលបង្ហាញអំពីសមិទ្ធផលរបស់រាជរដ្ឋាភិបាល នីតិកាលទី៧នៃរដ្ឋសភា ។ អង្គពិធីបានទទួលទានអាហារថ្ងៃត្រង់ ដល់គ្រប់សមាជិក និងពិធីបានបញ្ចប់ប្រកបដោយបរិកាសសប្បាយ រីករាយ និងសាមគ្គីគ្នាបំផុត ។
