ឯកឧត្តម ទេព យុទ្ធី អញ្ជើញចូលរួមប្រជុំពិនិត្យវឌ្ឍនភាពការងារ ដើម្បីត្រៀមរៀបចំសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព (IPTP) នៅសាលសន្និសិទបាយ័ន វិមានរដ្ឋសភា
នារសៀលថ្ងៃទី០២ ខែកក្កដា ឆ្នាំ២០២៤ ឯកឧត្តម ទេព យុទ្ធី លេខាធិការគណៈកម្មការទី៨ និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមប្រជុំពិនិត្យវឌ្ឍនភាពការងាររបស់អនុគណៈកម្មការប្រតិបត្តិ នៃគណៈកម្មការដឹកនាំ និងរៀបចំសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព (IPTP) នៅសាលសន្និសិទបាយ័ន វិមានរដ្ឋសភា ។
កិច្ចប្រជុំនេះប្រព្រឹត្តទៅ ក្រោមការសម្របសម្រួលដោយ ឯកឧត្តម សួស យ៉ារ៉ា ប្រធានគណៈកម្មការទី៥រដ្ឋសភា ប្រធាន IPTP (២០២៣-២០២៤) ដោយមានរបៀបវារៈ
១-ពិនិត្យលើសេចក្ដីព្រាងកម្មវិធីប្រជុំពេញអង្គ (IPTP) លើកទី១១
២-ស្ដាប់របាយការណ៍ស្ដីពី វឌ្ឍនភាពការងារត្រៀមរៀបចំដោយ លេខាធិការដ្ឋាន និងអនុគណៈកម្មការនានា នៃអនុគណៈកម្មការប្រតិបត្តិ
៣-ការចូលរួមមតិរបស់សមាជិកអង្គប្រជុំ
៤-ផ្សេងៗ ។
ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
