ឯកឧត្តម អាយ ខន បានអញ្ជើញចុះជួបសំណេះសំណាលជាមួយក្រុមប្រឹក្សា ឃុំពាមក្រសោប ស្រុកមណ្ឌលសីមា ខេត្តកោះកុង
នាព្រឹកថ្ងៃទី៨ ខែកក្កដា ឆ្នាំ២០២៤ ឯកឧត្តម អាយ ខន អនុប្រធានគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញចុះជួបសំណេះសំណាលជាមួយក្រុមប្រឹក្សា ឃុំពាមក្រសោប ស្រុកមណ្ឌលសីមា ខេត្តកោះកុង ដើម្បី៖
១.ពាំនាំការសួរសុខទុក្ខ និងសេចក្តីថ្លែងអំណរគុណរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ជូនសមាជិកក្រុមប្រឹក្សាឃុំ។
២.ជម្រាបជូនអំពីសភាពការណ៍របស់ស្ថាប័នព្រឹទ្ធសភានៃព្រះរាជាណាចក្រកម្ពុជា។
៣.ពិនិត្យអំពីវឌ្ឍនភាពនៃការសាងសង់បង្គន់អនាម័យក្នុងតំបន់សហគមន៍ទេសចរណ៍ឃុំពាមក្រសោប (ដែលឯកឧត្តម ម៉ុង ឫទ្ធី ប្រធានក្រុមសមាជិកព្រឹទ្ធសភាប្រចាំភូមិភាគទី៧) បានផ្តល់ថវិកា ២,០០០ដុល្លា។
៤.ណែនាំឲ្យក្រុមប្រឹក្សាឃុំប្រើបណ្តាញតេលេក្រាម ក្រុមប្រឹក្សាឃុំ សង្កាត់ ខេត្តកោះកុង ដើម្បីងាយស្រួលផ្សព្វផ្សាយ និងទទួលព័ត៌មានជាមួយសមាជិកព្រឹទ្ធសភាប្រចាំភូមិភាគទី៧។
